Բուլղարիայում դաժան կերպով սպանել են հեռուստալրագրող Վիկտորյա Մարինովային: Այս մասին հայտնում է The Telegraph-ը:
30-ամյա կնոջ դին հայտնաբերվել է Ռուսե քաղաքի այգում, հոկտեմբերի 6-ին: Մահը վրա է հասել գլխին հասցված հարվածների ու խեղդելու արդյունքում: Բուլղարիայի ՆԳ նախարարը նաև հայտնել է, որ կնոջը բռնաբարել են:
Դեպքի վայրում մեծ քանակությամբ հետքեր են հայտնաբերվել, որոնք պետք է օգնեն բացահայտել դաժան սպանությունը:
Հավելենք, որ Մարինովան աշխատում էր TVN-ում, որտեղ զբաղեցնում էր ադմինիստրատիվ տնօրենի պաշտոնը: