Հյուսիսային Կորեայի առաջնորդ Կիմ Չեն Ընը Հռոմի Ֆրանցիսկոս պապին հրավիրել է Փհենյան: Այս մասին հայտնել է Հարավային Կորեայի նախագահի աշխատակազմի պաշտոնական ներկայացուցիչ Կիմ Ին Գյոմը:
Հարավկորեացի պաշտոնյան նշել է, որ իր երկրի նախագահ Մուն Չժե Ինը Եվրոպա կատարելիք այցի ժամանակ պատրաստվում է հրավերը փոխանցել Հռոմի պապին:
Հավելենք, որ Հարավային Կորեայի նախագահ Մուն Չժե Ինը Վատիկանում լինելու է հոկտեմբերի 17-18-ին: