Այսօր՝ հոկտեմբերի 10-ին, կառավարության նիստից հետո Տարածքային կառավարման և զարգացման նախարար Սուրեն Պապիկյանը, խոսելով այն մասին, թե երբ են նշանակվելու մյուս մարզերի մարզպետները, հայտարարեց, որ մյուս շաբաթ հավանաբար նորություններ կլինեն:
Նախարարը հայտնեց, որ ամեն ինչ կարվի օրենքի շրջանակներում, ժամկետների մեջ կտեղավորվեն, պետք է լավագույն ընտրությունը լինի: Նրա խոսքերով, շտապելու կարիք չկա, քանի որ մարզպետների պաշտոնակատարներ կան, և աշխատանքները նորմալ շարունակվում են:
Պապիկյանն ասաց, որ նշանակված մարզպետները Քաղաքացիական պայմանագիր կուսակցոթյունից են, իսկ այն մարզերում, որտեղ պետք է նոր մարզպետներ նշանակվեն, թեկնածուներ դեռ չկան:
Ավելի վաղ հայտնել էինք, որ Գեղարքունիքի մարզպետ նշանակվել է Գնել Սանոսյանը, Վայոց ձորի՝ Տրդատ Սարգսյանը, իսկ Լոռու մարզպետ նշանակվել է Անդրեյ Ղուկասյանը։
Այս պահին մարզպետներ չեն նշանակվել Արմավիրում, Սյունիքում և Արագածոտնում
