Սասնա ծռեր խմբի անդամ Պավել Մանուկյանն ազատ կարձակվի: Դատարանը բավարարեց գրավ կիրառելու մասին միջնորդությունը և Մանուկյանի նկատմամբ խափանման միջոց կալանքը փոխվեց: Նա ազատ կարձակվի 1 միլիոն դրամ գրավի դիմաց:
Մինչև դատարանի որոշումը, Մանուկյանը խոսեց այս գիշեր կյանքից հեռացած Արայիկ Խանդոյանի մասին: Նա հուզված հայտարարեց, որ երկնակամարը մի փայլուն աստղ կորցրեց: Մանուկյանը նաև հայտարարեց հացադուլը դադարեցնելու մասին:
Հիշեցնենք, որ Արայիկ Խանդոյանը մահացավ այս գիշեր: Նախնական տվյալներով, մահվան պատճառը սրտի կաթվածն է: