Թուրքիայի իշխանությունները տեսանյութ ու ձայնագրություններ ունեն, որոնք հաստատում են Ստամբուլում Սաուդյան Արաբիայի դեսպանատանը սաուդցի լրագրող Ջամալ Հաշկաջիի սպանության փաստը: Այս մասին հայտնում է The Washington Post-ը՝ հղում անելով ամերիկյան ու թուրքական աղբյուրներին:
Պարբերականը գրում է, որ թուրքական իշխանությունները զգուշավորություն են ցուցաբերում վերոնշյալ ձայնագրությունները տարածելու մասով, քանի որ չեն ցանկանում բացահայտել, թե ինչպես են հետևում արտասահմանցիներին: Ամեն դեպքում Անկարան այդ ձայնագրությունները ներկայացրել է ամերիկյան իշխանություններին:
Հիշեցնենք, որ 2017 թվականից The Washington Post-ում աշխատող Հաշկաջին անհետացել է հոկտեմբերի 2-ին՝ այն բանից հետո, երբ դուրս է եկել Ստամբուլում գտնվուղ Սաուդյան Արաբիայի հյուպատոսությունից:
Սաուդյան իշխանությունները հայտնում են, որ տեղյակ չեն, թե ուր է լրագրողը:
