Ֆրանսիայի հավաքականի նախկին ֆուտբոլիստ Թիերի Անրին նշանակվել է ֆրանսիական «Մոնակոյի» գլխավոր մարզիչ: Այս մասին հայտնում է ակումբի մամուլի ծառայությունը:
41-ամյա մասնագետի հետ պայմանագիր է ստորագրվել, որը կգործի մինչև 2021 թվականը:
Նշենք, որ Անրին հենց «Մոնակոյում» է սկսել ֆուտբոլիստի կարիերան՝ հետագայում հանդես գալով նաև «Յուվենթուսում» , «Արսենալում» , «Բարսելոնայում» , «Նյու Յորք Ռեդ Բուլզում»:
2018 թվականի ֆուտբոլի աշխարհի առաջնության ժամանակ ֆրանսիացին Բելգիայի հավաքականի գլխավոր մարզչի օգնականն էր:
