Հնդկաստանի իշխանությունները վերջին շրջանում սկսել են զգուշանալ օդանավակայաններում ոստիկանության աշխատակիցների չափազանց բարեհամբույր լինելուց, այդ իսկ պատճառով կարգադրել են «լայն ժպիտից» անցնել «չափավոր ժպիտի»։ Այս մասին հայտնում է Ռիա Նովոստին:
Օդանավակայանների ու թռիչքների անվտանգության համար պատասխանատու մարմինները ցանկանում են, որ իրենց աշխատակիցները լինեն «ավելի զգոն, քան բարեհամբույր»:
Նշվում է, որ սա առաջին դեպքը չէ, երբ Հնդկաստանի իշխանություններն իրավապահների արտաքինի հետ կապված տարբեր պահանջներ են ներկայացնում: Հուլիսին Կառնատակա նահանգի ոստիկանության վարչությունը պահանջել է իր սպաներից ազատվել ավելորդ քաշից, այլապես նրանց կհեռացնեն աշխատանքից: