ԱՄՆ նախագահ Դոնալդ Թրամփը հանդիպել է Թուրքիայում կալանքի տակ մնացած, այնուհետև ազատ արձակված հոգևորական Էնդրյու Բրանսոնին: Հայտնի է, որ հանդիպումը տեղի է ունեցել Սպիտակ տանը: Հանդիպման ժամանակ քահանան ծնկի է եկել ու առաջարկել նախագահին միասին աղոթել:
Թրամփը Թվիթերյան իր էջում հրապարակել է տեսանյութ և բարի գալուստ մաղթել հոգևորականին։
Հիշեցնենք, որ Թուրքիայի Իզմիր քաղաքի դատարանը որոշում է կայացրել չեղարկել ամերիկացի քահանա Էնդրյու Բրանսոնի հանդեպ որպես նախնական խափանման միջոց ընտրված տնային կալանքն ու երկրից դուրս գալու արգելքը: Նա դատապարտվել է 3 տարվա ազատազրկման, որը դուրս է գրվելու նրա՝ արդեն բանտում անցկացրած ժամկետից:
Ավելի ուշ հոգևորականին մեղադրանք է առաջադրվել Թուրքիայում հեղաշրջման փորձի համար մեղադրվող թուրք կրոնական քարոզիչ Ֆեթուլլահ Գյուլենի «Հիզմեթ» խմբավորման հետ կապեր ունենալու համար:
WELCOME HOME PASTOR ANDREW BRUNSON! pic.twitter.com/HijeAGU1gy
— Donald J. Trump (@realDonaldTrump) October 13, 2018
