Կրեմլը հաստատել է, որ Հելսինկիում ՌԴ և ԱՄՆ նախագահների հանդիպման ժամանակ կոշտ զրույց է տեղի ունեցել նախագահների միջև: Այս մասին հայտնում է Ինտերֆաքս գործակալությունը՝ հղում անելով Պուտինի մամուլի խոսնակ Դմիտրի Պեսկովին:
Պեսկովի խոսքերով, հանդիպման ժամանակ բոլոր քննարկված հարցերի մասին բաց խոսակցություն է եղել, խոսվել է ռուս-ամերիկյան հարաբերություններին վերաբերող հարցերի մասին և իրոք կոշտ զրույց է տեղի ունեցել: Զրույցը կոշտ է եղել, քանի որ իրերn անվանվել են իրենց անուններով:
Միևնույն ժամանակ Պուտինի խոսնակը հայտնել է, որ զրույցը եղել է դիվանագիտական կանոնների շրջանակներում:
Ավելի վաղ Դոնալդ Թրամփը CBS-ի հետ զրույցում հայտարարարել էր, որ կոշտ քաղաքականություն է վարում Պուտինի նկատմամբ և կոշտ զրույց է ունեցել վերջինիս հետ հանդիպմանը:
