Վարչապետի պաշտոնակատար Նիկոլ Փաշինյանի Քաղաքացիական պայմանագիր կուսակցությունը կայանալիք արտահերթ խորհրդարանական ընտրություններին մասնակցելու է ամենայն հավանականությամբ Իմ քայլը դաշինքով: Այս մասին վերջինս հայտարարել է Ազատության հետ զրույցում:
Հարցին, թե ինչպես է ՔՊ-ն մասնակցելու ընտրություններին, Փաշինյանը նշել է՝ կամ առանձին, կամ Իմ քայլը դաշինքի ֆորմատով:
Վերջնական որոշումն ընտրություններին մասնակցելու ձևաչափի մասին դեռ չի կայացվել, սակայն Փաշինյանը, ամեն դեպքում, չի կարծում, որ նախկին գործընկերները կլինեն այդ հնարավոր դաշինքում:
