ԱՄՆ նախագահի ՝ ազգային անվտանգության հարցերով խորհրդական Ջոն Բոլթոնի այցն Ադրբեջան կայանալու է հոկտեմբերի 24-ին: Այս մասին հայտնում է ՌԻԱ Նովոստին՝ հղում անելով դիվանագիտական աղբյուրին:
Ավելի վաղ Բոլթոնը հայտնել էր, որ հոկտեմբերի 20-ին այցելելու է Ռուսաստան, Ադրբեջան, Հայաստան և Վրաստան, հանդիպումներ է ունենալու գործընկերների հետ՝ առաջ տանելով ամերիկյան հետաքրքրությունները՝ կապված անվտանգային հարցերի հետ:
Ադրբեջան կատարելիք այցի ժամանակ ամերիկացի պաշտոնյան քննարկելու է տարածաշրջանին վերաբերող հարցեր:
