Վրաստանը պատմականորեն Եվրոպայի մաս է, մենք շարունակելու ենք այն ճանապարհով ընթանալ, որը մեզ հնարավորություն կտա մոտակա ժամանակներին դառնալ Եվրոպական ընտանիքի անդամ, ոչ միայն մշակութային, այլև քաղաքական տեսանկյունից, -Եվրոնյուզի եթերում ասել Վրաստանի նախագահ Գեորգի Մարգվելաշվիլին: Նա հայտարարել է, որ Եվրոպայի մեծացումը ամբողջ աշխարհն ավելի անվտանգ կդարձնի: «Ավելի շատ անվտանգության մեջ կգտնվեն տարաշրջանը և Ռուսաստանի հարևանները»,-հայտարարել է Մարգվելաշվիլին: Վրաստանի ախագահը նաև նշել է, որ Վրաստանը՝ որպես Եվրոպայի պատմական մաս, օրերից մի օր վերջնականապես թե´ մշակութային, թե´ քաղաքական առումներով կընդգրկվի այդ ընտանիքի մեջ: Մարգվելաշվիլին նաև ընդգծել է, որ քաղաքակիրթ, տնտեսապես ուժեղ, ժողովրդավարական, եվրոպական Վրաստանը և եվրոատլանտյան Վրաստանը վտանգավոր չեն՝ հավելելով, որ դա նշանակում է՝ ավելի կայուն սահմաններ և ավելի կայուն հարևանություն: