Արմավիրում և էջմիածինում քաղաքապետի ՔՊ-ական թեկնածուների նախընտրական քարոզարշավին մասնակցելուց հետո ՀՀ վարչապետի պաշտոնակատար Նիկոլ Փաշինյանը պատրաստվում է մեկնել Կապան՝ աջակցելու տեղում իր կուսակցության թեկնածուին: Այս մասին Փաշինյանը հայտնել է ֆեյսբուքյան իր էջում:
«Գալիս եմ Կապան՝ աշխատանքային քննարկումներ ունենալու եւ քաղաքապետի մեր թեկնածու Նարեկ Բաբայանի նախընտրական հանրահավաքին մասնակցելու։
Հանրահավաքը կկայանա ժամը 18.00, Գարեգին Նժդեհի հրապարակում»,-գրել է վարչապետի պաշտոնակատարը: