Այսօր` դեկտեմբերի 4-ին, «Նոյյան Տապան»-ի մամուլի սրահում տեղի ունեցավ սոցիոլոգ, «Նոյ» ֆիրմայի նախագահ` Գագիկ Սարգսյանի մամուլի ասուլիսը: Թեման՝ Հայաստանում անցկացվել է հասարակական կարծիքի հարցում՝ «Հայաստանի Հանրապետության ազդեցիկ մարդիկ, որոնք ձևավորում են հասարակական կարծիք» հարցի շուրջ: Գագիկ Սարգսյանը նշեց, որ Հայաստանում նման հարցում առաջին անգամ էր անցկացվում, և այս հարցման համար պետք էր ընտրել թիրախային ճիշտ խումբ:
Հարցումը տարվել է երկու ուղղությամբ` ՀՀ ազդեցիկ մարդիկ և ՀՀ հասարակական կարծիք ձևավորող անձինք:
Պետք է նշել, որ ազդեցիկ մարդկանց վարկանիշային աղյուսակը կազմված էր միայն քաղաքական գործիչներից: Ըստ հարցման` ՀՀ ազդեցիկ մարդկանց վարկանիշային աղյուսակի, առաջին երեք տեղերն ունեն հետևյալ տեսքը`
1. Սերժ Սարգսյան,
2. Լևոն Տեր-Պետրոսյան,
3. Գագիկ Ծառուկյան:
Նշենք, որ վարչապետ Տ. Սարգսյանը ընդամենը 12-րդ տեղում է:
Վարկանիշային երկրորդ աղյուսակը` ՀՀ հասարակական կարծիք ձևավորող անձանց աղյուսակը, ևս գլխավորում է Սերժ Սարգսյանը:
2. Արամ Աբրահամյան
3.Գագիկ Ծառուկյան
4. Նիկոլ Փաշինյան:
Ազդեցիկ մարդանց ցուցակում կար նաև Կյանքի Խոսք եկեղեցու հովիվ` Արթուր Սիմոնյանը: Ընդհանուր առմամբ, ցուցակում կային արվեստի 8 ներկայացուցիչ, ազգային ժողովի 10 պատգամավոր և 10 լրագրող:
Գագիկ Սարգսյանը հավելեց, որ Արամ Աբրահամյանը` «Առավոտ»-ի գլխավոր խմբագիրը, ցուցադրել է ամենաբարձր վարկանիշը, այլ երկրների հետ համամատած դա հավասար էր նախագահի ցուցադրած վարկանիշին:
Պրն. Սարգսյանը նշեց, որ այս հարցումն անցկացվել է հենց «Նոյ» ֆիրմայի նախաձեռնությամբ, չնայած իսկապես եղել է Ռուսաստանի հայ, ով ցանկացել է իմանալ երկրի վիճակը, սակայն դա հովանավորում չի եղել, այլ ուղղակի բարի կամքի դրսևորում: Պրն. Սարգսյանը չցանկացավ նշել բարի կամք դրսևորած անձնավորության անունը:
