Ծառուկյան դաշինքը ԵԼՔ-ի գործընկերների հետ ստորագրահավաք է նախաձեռնում երկուշաբթի օրն ԱԺ արտահերթ նիստ հրավիրելու համար: Այս մասին ԱԺ նիստի ժամանակ հայտարարեց Ծառուկյան խմբակցության պատգամավոր Նաիրա Զոհրաբյանը:
Զոհրաբյանը նշեց, որ օրակարգում կրկին լինելու է ԸՕ-ն, որը երեկ՝ հոկտեմբերի 22-ին, չընդունվեց:
Ծառուկյան խմբակցության պատգամավորն ապա հորդորեց Հանրապետական խմբակցությանը չբոյկոտել քվեարկությունը, մասնակցել քննարկումներին և չգնալ սադրանքի: Զոհրաբյանը վստահեցրեց, որ բոլոր այն պատգամավորները, ովքեր իրենց աջակցությունն են հայտնել նոր ԸՕ-ին, ներկա են լինելու քվեարկությանը: