Սաուդյան Արաբիայի արտաքին գործերի նախարար Ադել ալ-Ջուբեյրը հայտարարել է, որ թագավորությունը կձեռնարկի բոլոր անհրաժեշտ քայլերը, որպեսզի հետագայում կանխի այնպիսի միջադեպերը, ինչպիսին է լրագրող Ջամալ Խաշոգջիի սպանությունը, հայտնում է Al-Arabia-ն:
Սաուդցի նախարարը նաև վստահեցրել է, որ թագավորությունը պարտավորվում է ամբողջական ծավալով իրականացնել Ջամալ Խաշոգջիի մահվան քննությունը՝ հավելելով, թե բոլոր պատասխանատուները կձերբակալվեն:
Washington Post-ի լրագրողի սպանության փաստը սաուդյան իշխանությունները հաստատեցին հոկտեմբերի 20-ին՝ ավելի քան 2 շաբաթ այն հերքելուց հետո:
