Ուկրաինան դիմել է Առևտրի համաշխարհային կազմակերպությանը (ԱՀԿ), վիճարկելու համար հակադեմպինգային մաքսատուրքերը, որոնք Հայաստանը սահմանել է ներկրվող ուկրաինական պողպատյա խողովակների մի քանի տեսակների համար: Այս մասին հայտնում է Reuters-ը:
Գործակալության տեղեկություններով, նմանատիպ բողոք Կիևը ներկայացրել է նաև Ղազախստանի և Ղրղզստանի դեմ:
Ուկրաինական կողմը ցանկանում է, որ Երևանը նվազեցնի մաքսատուրքերը, որոնք, իրենց պնդմամբ, շատ բարձր են և սահմանվել են սխալ որոշումների արդյունքում:
