ԱՄՆ նախագահի ազգային անվտանգության հարցերով խորհրդական Ջոն Բոլթոնը Հայաստան կժամանի հոկտեմբերի 25-ին: Այս մասին հայտնում են ՀՀ-ում ԱՄՆ դեսպանատնից՝ հավելելով, որ նույն օրը, ժամը 13:45-ին ԱՄՆ դեսպանատանը տեղի կունենա վերջինիս մամուլի ասուլիսը:
Հիշեցնենք, որ Բոլթոնը Հայաստան է գալիս տարածաշրջանային այցով: Հոկտեմբերի 24-ին նա կլինի Ադրբեջանում, իսկ Հայաստանից հետո կմեկնի նաև Վրաստան: Ավեի վաղ ամերիկացի պաշտոնյան եղել է նաև Ռուսաստանում:
