Կառավարության մոտ բողոքի ակցիա է ընթանում: Ակցիայի մասնակիցները բողոքում են Համաներման նախագծի դեմ: Հավաքված քաղաքացիներին դուր չի գալիս համաներման նախագիծը, ինչը նրանց խոսքերով, Արդարադատության նախարար Արտակ Զեյնալյանի ասած աննախադեպ համաներմանը չի հանգեցնելու:
Քաղաքացիները պատրաստել են հոդվածների շարք, որոնք ներկայացնելու են իշխանություններին՝ պահանջելով ազատ արձակել նաև նրանց, ովքեր դատվել են նշյալ հոդվածներով:
Հավաքված քաղաքացիներից մեկի խոսքերով, սա աննախադեպ համաներում չէ, իսկ աննախադեպ համաներում մեկ անգամ եղել է՝ Ռոբերտ Քոչարյանի օրոք. «Մենք հիմա չենք արդարացնում նրան, ուղղակի աննախադեպ համաներում եղել է նրա ժամանակ, երբ համարյա դռները բացեց ու հանեց բոլորին»:
Ակցիայի մասնակիցները հանդիպում են պահանջում Արդարադատության նախարարի հետ: