ՀՀ ՀՔԾ պետ Սասուն Խաչատրյանը չի մեկնաբանում ՀՀ վարչապետի պաշտոնակատար Նիկոլ Փաշինյանի հայտարարությունն այն մասին, որ շուտով ԱԺ պատգամավոր է ձերբակալվելու և լինելու է Հայաստանում ամենախոշոր բացահայտումը:
factor.am-ի լրագրողի հետ զրույցում Խաչատրյանը, պատասխանելով հարցին, թե կա արդյո՞ք հարուցված քրեական գործ ՀՀԿ-ական պատգամավոր, նախկին նախարար Արամ Հարությունյանի նկատմամբ (Հենց նրա անունն է շրջանառվում մամուլում), հայտարարեց, որ նշյալ անձը որևէ գործով կասկածյալի կամ մեղադրյալի կարգավիճակ չունի:
Նույնը վերաբերում է նաև Միհրան Պողոսյանին, ում անունը ևս շրջանառվում է մամուլում: