ԱԺ ՀՅԴ խմբակցության ղեկավար Արմեն Ռուստամյանը չգիտի, թե ում մասին է հայտարարել ՀՀ վարչապետի պաշտոնակատար Նիկոլ Փաշինյանը, երբ խոսել է կաշառքի համար ձերբակալվող պատգամավորի մասին:
Ռուստամյանի խոսքերով, որևէ պատգամավոր չպետք է մտածի, որ մանդատն իրեն ազատելու է պատասխանատվությունից և եթե փաստեր լինեն հանցագործության մասով, իրենք երբեք չեն խոչընդոտի գործի քննությանը:
ՀՅԴ-ական պատգամավորը բացառում է, որ խոսքը վերաբերում է ՀՅԴ-ականի:
Ավելի վաղ ՀՀ վարչապետի պաշտոնակատարը հայտարարել էր, որ թղթի են սպասում և այն ստանալու դեպքում կաշառքի գործով պատգամավոր է ձերբակալվելու և տեղի է ունենալու Հայաստանում ամենախոշոր բացահայտումը: