Ստամբուլի Գեզի պուրակի իրադարձությունների գործով Թուրքիայի գլխավոր դատախազությունը մեղադրական եզրակացություն է ներկայացրել 255 անձի վերաբերյալ, որոնցից 7-ը՝ օտարերկրացի։
Մեղադրանքներ են ներկայացվել Թուրքիայի Քրեական օրենսգրքի տարբեր հոդվածներով, այդ թվում՝ ոստիկանությանը դիմադրություն ցույց տալու, պետական ծառայողներին պաշտոնի բերմամբ անպատվելու, պետական գույքը վնասելու, և այլ մեղադրանքներով։
Ինչպես տեղեկացնում է korrespondent.net-ը, մեղադրվողների գործն արդեն ուղարկվել է դատարան։
Հիշեցնենք, որ մայիսի վերջին Գեզի պուրակում ցույցեր էին սկսվել այգու ծառահատումների և դրա տեղում առևտրի կենտրոն կառուցելու որոշման դեմ, որոնք վերաճել էին հակակառավարական ցույցերի։
