Հոկտեմբերի 27-ն արտաքին աշխարհից եկած միջոցառում էր, որը կատարվեց հայերի միջոցով։ Այսօր՝ հոկտեմբերի 27-ին, լրագրողների հետ զրույցի ժամանակ հայտարարեց ՀՀԿ խմբակցության պատգամավոր Գալուստ Սահակյանը խոսելով հոկտեմբերի 27-ի դեպքերի մասին։
Հարցին, թե դրսի ուժերի կողմի՞ց էր կազմակերպված, Սահակյանն ասաց․ «Արտաքին աշխարհն ի՞նչ է նշանակում, ներսի ուժ չի նշանակում»։
Իսկ հարցին, թե այդ դեպքում որ երկրի կողմից էր կազմակերպված, պատգամավորն ասաց, որ չի կարող ասել։
