Սիրելի քաղաքացիներ,
Ուզում ենք փաստել, որ ՀՀ կառավարության ծրագրում ամրագրված է հետևյալ դրույթը՝ իրապես ազատ, արդար, թափանցիկ, ժողովրդավարական խորհրդարանական ընտրություններ անցկացնելու և ընտրությունների՝ հանրության կողմից չվիճարկվող արդյունքներ արձանագրելու նպատակով անհրաժեշտ է իրականացնել Ընտրական օրենսգրքի և ընտրական համակարգի էական բարեփոխումներ:
Այս դրույթը, սակայն, ԱԺ այսօրվա քվեարկությամբ հնարավոր չեղավ իրականացնել:
Ըստ այդմ կոչ ենք անում խորհրդարանական խմբակցություններին Նիկոլ Փաշինյանին առաջադրել և վերստին ընտրել ՀՀ վարչապետ: Միաժամանակ, դա հնարավորություն կընձեռի ՀՀ ընտրական օրենսգրքում կատարել Կառավարության ծրագրով նախատեսված փոփոխությունները՝ հնարավորություն տալով քաղաքական ուժերին մասնակցելու իրապես ԱՐԴԱՐ արտահերթ ընտրությունների:
«Արդարություն» կուսակցության քաղաքական խորհուրդ
