ՀՀ ԱԻ նախարար Ա. Երիցյանն ընդունել է Հայաստանի Հանրապետությունում Եգիպտոսի Արաբական Հանրապետության նորանշանակ արտակարգ և լիազոր դեսպան Մոհամեդ Ալա Էլդին Սաադ էլ Լեիսին: Այս մասին հայտնում են ԱԻՆ մամուլի ծառայությունից:
Ողջունելով դեսպանին` ԱԻ նախարարը համառոտ ներկայացրեց նախարարության ստեղծման պատմությունը, կառուցվածքը, հիմնական գործառույթներն ու զարգացման հեռանկարները:
Դեսպան Մոհամեդ Ալա Էլդին Սաադ էլ Լեիսին շնորհակալություն հայտնեց ջերմ ընդունելության համար` նշելով, որ ուրախ կլինի տարբեր ուղղություններով ԱԻ նախարարության հետ համագործակցության համար, հատկապես` փոխառելով ճգնաժամային կառավարման կենտրոնի ստեղծման ու զարգացման փորձը:
Օտարերկրյա հյուրը եղավ նաև ԱԻՆ ճգնաժամային կառավարման կենտրոնում` ծանոթանալու դրա հնարավորություններին և գործառույթներին:
