Tesla ընկերության հիմնադիր Իլոն Մասկն ընկերության կայքէջից հեռացրել է իր պաշտոնները:
«Հիմա ես ոչ մեկ եմ ընկերությունում: Ինչպես երևում է, ամեն ինչ կարգին է»,-գրել է Մասկը թվիթերյան իր էջում` նշելով, որ դա արել է անցած շաբաթ, որպեսզի տեսնի, թե ինչ կլինի:
Ավելի ուշ Մասկը հայտարարել է, որ ամենայն հավանականությամբ, կպահպանի ընկերության նախագահի պաշտոնը:
Հայտնի գործարարն իր հիմնած ընկերության տնօրենների խորհրդի նախագահի պաշտոնից կհեռանա այն պայմաններով, որոնցով պայմանագիր է ստորագրել ԱՄՆ-ի իշխանությունների հետ, երբ մեղադրվեց խարդախության մեջ:
3 տարի Մասկին փոխարինելու է անկախ մենեջերը: Միևնույն ժամանակ նա պահպանում է գլխավոր տնօրենի պաշտոնը։
Բացի դրանից, Մասկն ու Tesla-ն պետք է 20 միլիոն դոլար վճարեն տուժած ներդրողներին և վարձեն 2 անկախ տնօրեն:
