Այսօր` նոյեմբերի 2-ին, ԱԱԾ տնօրենի և ՀՔԾ պետի հեռախոսազրույցի գաղտնալսման գործով քննիչ հանձաժողովի հերթական նիստից հետո դատավոր Վաչե Մարգարյանը, ով մասնակցում էր նիստին, հրաժարվեց պատասխանել լրագրողների հարցերին` հայտարարելով, որ բոլոր հարցերի պատասխանները տվել է ավելի վաղ արած հայտարարության մեջ:
Մարգարյանը հիշեցրեց, որ նիստը դռնփակ է եղել, ինքն իրավասու չէ որևէ հարցի պատասխանել, որևէ տեղեկատվություն տալ:
Մարգարյանը միայն նշեց, որ իր նկատմամբ ճնշում չի եղել:
Հիշեցնենք, որ Վաչե Մարգարյանն այն դատավորն է, որի հետ, ըստ տարածված ձայնագրության, զրուցել է ԱԱԾ տնօրեն Արթուր Վանեցյանն ու ով երկրորդ նախագահ Ռոբերտ Քոչարյանի կալանքի մասին որոշում է կայացրել: