Վրաստանի նախկին նախագահ Միխեիլ Սաակաշվիլին կաշխատի ԱՄՆ-ում, հաղորդում է Interfax.ru-ն:
Նրա Facebook-յան էջում հայտնվել է տեղեկություն այն մասին, որ Վրաստանի նախկին նախագահը «միացել» է ամերիկյան Թաֆթսի համալսարանին, մասնավորապես՝ նա կաշխատի Ֆլեթչերի դպրոցում, որը դիվանագետներ և իրավագետներ է պատրաստում:
Հաղորդագրության մեջ ասված է, որ Միխեիլ Սաակաշվիլին կսկսի դասախոսություններ կարդալ 2014 թվականի գարնանային կիսամյակից:
Նշվում է նաև, որ Ֆլեթչերի դպրոցը համարվում է դիվանագետներ և իրավագետներ պատրաստելու առաջատար հաստատություններից:
