ԱՄՆ նախագահ Դոնալդ Թրամփն Իրանին կոչ է արել հրաժարվել միջուկային զենք ստեղծելու գաղափարից` հավելելով, թե պատրաստ է նոր միջուկային պայմանագիր ստորագրել Թեհրանի հետ:
«Մենք կոչ ենք անում իրանական իշխանություններին հրաժարվել միջուկային ամբիցիաներից և փոխել վարքագիծը, հարգել սեփական ժողովրդի իրավունքները և վերադառնալ բանակցային սեղան»,-ասված է Սպիտակ տան հայտարարության մեջ:
ԱՄՆ նախագահը նշել է, թե պատրաստ է նոր, ավելի համապարփակ միջուկային պայմանագիր կնքել Իրանի հետ, որն ընդմիշտ կփակի Իրանի համար դռները միջուկային զենք ստեղծելու ճանապարհին: Իսկ մինչև այդ պատմական պատժամիջոցներն ամբողջ ծավալով շարունակելու են մնալ ուժի մեջ:
ԱՄՆ-ը ցանկանում է, որ Թեհրանն ընտրություն կատարի՝ կամ շարժվում է նույն ճանապարհով, որը հանգեցնելու է տնտեսական աղետի, կամ փոխում է քաղաքականությունը:
Թրամփը խոսել է նաև այն ընկերությունների մասին, որոնք համագործակցում են Իրանի հետ` հիշեցնելով, որ Թեհրանի հետ համագործակցողները հայտնվելու են ամերիկյան պատժամիջոցների թիրախում:
