Այսօրվանից Իրանը սկսել է Kowsar կործանիչների սերիական արտադրությունը: Այս մասին հայտնում է Tasnim-ը:
Վերոնշյալ կործանիչն առաջին անգամ Իրանը ցուցադրել էր այս տարի օգոստոսին:
Kowsar-ը զինված է չորրորդ սերնդի ռադիոէլեկտրոնային սարքավորումներով, ունակ է կրելու տարբեր զինատեսակներ: Այն կիրառվելու է օդային աջակցության նպատակով կարճատև առաքելությունների շրջանակներում:
Ավելի վաղ Իրանի Պաշտպանության նախարար Ամիր Հաթամին հայտարարել էր, որ Թեհրանը միայն զսպող քաղաքականություն է վարում և երբեք չի հարձակվելու այլ պետությունների վրա:
