Բելոռուսի ԱԳ նախարարության մամուլի քարտուղար Անատոլի Գլազը ՌԻԱ Նովոստիի հետ զրույցում հայտարարել է, թե նախարարությունն ինֆորմացիա չունի այն մասին, որ երկրի Անվտանգության խորհրդի քարտուղար Ստանիսլավ Զասի թեկնածությունը կարող է առաջադրվել ՀԱՊԿ գլխավոր քարտուղարի պաշտոնում:
Գլազը հայտարարել է, որ հարցը քննարկվելու է նոյեմբերի 8-ին Աստանայում կայանալիք ՀԱՊԿ հավաքական անվտանգության խորհրդի նիստի ժամանակ` հավելելով, թե այս պահին դեռ հայտնի չէ որ երկրից է լինելու նոր գլխավոր քարտուղարը:
Ավելի վաղ Կոմմերսանտը գրել էր, որ ՀԱՊԿ գլխավոր քարտուղար Յուրի Խաչատուրովին ետ կանչելուց հետո այդ պաշտոնը զբաղեցնելու է գեներալ մայոր Ստանիսլավ Զասը:
