Ռուսաստանի Դաշնության մարդու իրավունքների պաշտպան Տատյանա Մոսկալկովան հայտարարել է, որ Ռուսաստանից դուրս դպրոցներում ռուսաց լեզվի դասաժամերի կրճատումը ոտնահարում է ռուսախոս քաղաքացիների իրավունքները:
Ռուսաստանցի պաշտոնյան մասնավորապես նշել է Մերձբալթյան երկրների, Հայաստանի և Ղրղզստանի մասին` հայտարարելով, որ այդ երկրներում երեխաներին զրկում են ռուսերեն սովորելու հնարավորությունից:
Մոսկալկովան հայտարարել է, որ պետք է մտածել ՌԴ դեսպանատներին կից ռուսական դպրոցներ ստեղծելու մասին:
Նրա խոսքերով, Ռուսաստանից դուրս ռուսերենի մակարդակի համար պետք է պայքարել ոչ թե հանուն լեզվի, այլ հանուն այն մարդկանց, ովքեր իրավունք ունեն պահպանելու իրենց մշակույթը, ինքնությունը և հնարավորություն տալ նրանց ուսումնասիրել ռուսաց լեզուն: