Աստանայում մեկնարկեց ՀԱՊԿ անդամ երկրների ղեկավարների նեղ կազմով հանդիպումը: Այն, ինչպես ավելի վաղ հայտնել էր ՌԴ նախագահ Վլադիմիր Պուտինի օգնական Յուրի Ուշակովը, փակ դռների ետևում է կայանում:
Հայտնի է, որ դռների մյուս կողմում անդամ երկրների ղեկավարները քննարկում են ՀԱՊԿ գլխավոր քարտուղարի հարցը: Այսօր պետք է պատասխաններ տրվեն հարցերին, թե որ երկրի ներկայացուցիչը կլինի կազմակերպության գլխավոր քարտուղարը և կոնկրետ ով կզբաղեցնի այդ պաշտոնը:
