Հասարակություն Ֆեյսբուք 

Գիշերը տեղի ունեցածի մասին․․․

Այսօր գիշերը՝ 00․40-ի սահմաններում Սայաթ-Նովա և Ալեք Մանուկյան փողոցների խաչմերուկից ոստիկանության Կենտրոն և Նոր Նորք բաժին են «հրավիրվել» 4 երիտասարդ, ովքեր փողոցների ասֆալտին գունավոր ներկով գրել են #ՄենքԳալիսԵնք ՝ չխախտելով որևէ մեկի իրավունքը։

Ինչու՞ եմ չակերտների մեջ գրում հրավիրվել․ հրավիրվելու դեպքում քաղաքացին իրավունք ունի իր սեփական միջոցներով ոստիկանության ուղեկցությամբ ներկայանա բաժին։ Այս պարագայում քաղաքացիներին տեղափոխել են ոստիկանության մեքենայով, ինչը ենթադրում է բերման ենթարկել։ Ի դեպ, «հրավիրողը» եղել է քաղաքացիական հագուստով տղամարդ, ով նույնիսկ չի բարեհաճել ներկայանալ։ Ըստ էության՝ առ ոչինչ։

00․45 մոտեցել եմ ոստիկանության բաժին և փորձել հասկանալ՝ ի՞նչ հիմքերով են քաղաքացիներին «հրավիրել»։ Ոստիկանությունում ինձ մատնանշեցին Վարչական Իրավախախտումների Վերաբերյալ ՀՀ օրենսգրքի 172․2, որն ասում է՝ փողոցները, մայթերը, հրապարակները, պուրակները, զբոսայգիները, մարզադաշտերը և հասարակական այլ վայրերն օգտագործելու` օրենքով կամ օրենքի հիման վրա արձակված վարչական ակտով սահմանված սահմանափակումները խախտելը՝ առաջացնում է տուգանքի նշանակում՝ սահմանված նվազագույն աշխատավարձի քսանապատիկից մինչև վաթսունապատիկի չափով:

Ոստիկանությունում որևէ մեկը չկարողացավ հստակ մեկնաբանել՝ ի՞նչ ասել է սահմանափակում և ի՞նչ է այն իրենից ենթադրում։

Ոստիկանությունում ենք եղել մինչև 03․55։

Հ․Գ․ Իսկ թե ինչ սոսկալի անգրագիտություն ու անտառաճանաչություն է տիրում ոստիկանությունում, դա արդեն լրիվ այլ պատմություն է։

Երևանի ավագանու նախկին անդամ, Հանրապետություն կուսակցության անդամ Թեհմինա Վարդանյան

Գիշերը տեղի ունեցածի մասին․․․Այսօր գիշերը՝ 00․40-ի սահմաններում Սայաթ-Նովա և Ալեք Մանուկյան փողոցների խաչմերուկից...

Gepostet von Թեհմինա Վարդանյան am Donnerstag, 8. November 2018

 

 

  • 97
  •  
  •  
  •  
  •  
  • 1
  • 3
  •  
  •  
  •  
    101
    Shares

Related Articles