2022 թվականին, Խաղաղ օվկիանոսում կհայտնվի առաջին անկախ «լողացող երկիրը»: Այն կլինի ցանկացած կառավարության օրենքներից դուրս և կօգտվի իր սեփական «Vayron» կրիպտոարժույթից։ Այս մասին հայտնում է Daily Mail-ը:
Ծրագիրը նախատեսում է կառուցել կղզի-քաղաքներ բաղկացած 300 բնակելի տներով, ինչպես նաև Թաիթի կղզու հարևանությամբ գտնվող հյուրանոցներով, ռեստորաններով և գրասենյակներով:
PayPal-ի հիմնադիր Պիտեր Թիլեի հովանավորությամբ իրականացվող այս ծրագիրն արժե 50 միլիոն դոլար և ներկայացնում է փորձնական ծրագիր: Այն ստեղծվել է գիտնականների, բարերարների և ներդրողների աջակցությամբ, ինչպես նաև Պոլինեզիայի կառավարության հետ համագործակցության արդյունքում։
«Կղզու բնակիչներն ազատ կլինեն աշխարհաքաղաքական տատանումներից և առևտրային խնդիրներից: Երկիրը կկարողանա ընդունել փախստականների, ովքեր ստիպված են եղել հեռանալ իրենց տներից կլիմայական փոփոխությունների պատճառով։
«Մենք կտեսնենք, թե ինչպես կաշխատի առաջին կղզին, և դրական արդյունքի դեպքում կկառուցենք մնացածները»,-ասել է «Լողացող կղզի» ծրագիրն ուսումնասիրող քաղաքագետ և հետազոտող Նատալի Մեցցա-Գարսիան։
Կղզու ստեղծման գործում մասնակցում են նաև շահույթ չհետապնդող «Seasteading» ինստիտուտը և «Blue Frontiers» կազմակերպությունները: «Տիլ» ներդրումային ընկերության հետ միասին նախագիծը ֆինանսավորվելու է նաև բարեգործական նվիրատվությունների միջոցով։
Նախատեսվում է ծածկել տները «կանաչ տանիքով», որի վրա կաճեն բանջարեղեններ: Շինարարությունը կիրականացնի տեղական բամբուկի, կոկոսի մանրաթելերի և վերամշակված նյութերից պատրաստված մետաղից և պլաստմասե նյութերից: Արդյունքում կստեղծվի անկախ պետություն, որը կլողա չեզոք ջրերում և կապրի իր օրենքներով՝ նպատակ ունենալով ազատել հասարակությանը քաղաքականությունից։
Ահա թե ինչպես դա կլինի․
1.Մոտավոր այսպիսի տեսք կունենա Խաղաղ օվկիանոսի նոր անկախ պետությունը
2.Այս ծրագիրը ֆինանսավորվում է Պիտեր Թիլի կողմից և դրան աջակցում են բազմաթիվ գիտնականներ, բարերարներ և ներդրողներ
3․Seasteading» ինստիտուտը կկառուցի տներ, հյուրանոցներ, գրասենյակներ և ռեստորաններ, որպեսզի «ազատի մարդկությանը քաղաքական գործիչներից»
4.Արհեստական կղզին կատարյալ կինտեգրվի բնական միջավայրում
5.Կղզին նախագծելիս հաշվի են առնվել այնպիսի գործոններ, ինչպիսիք են ալիքների, քամու, արևի լույսի և նույնիսկ աստղերի դիրքը
6.Այսպիսի տեսք կունենան բնակելի տները
7.Նախատեսվում է կառուցել նաև ստորջրյա լանդշաֆտ
8.Լողացող կղզին կհայտնվի Թաիթի կղզուց ոչ հեռու
9.Նոր երկիրը կլողա չեզոք ջրերում և կապրի իր սեփական օրենքներով
10.Պոլինեզիան, որը բաղկացած է 118 կղզուց, շատ հետաքրքրված է այս նախագծով, քանի որ ծովի մակարդակի բարձրացումը վտանգում է բազմաթիվ պոլինեզացիների անօթևան մնալը
11.Լողացող կղզում կլինեն ակվակուլտուրային ձեռնարկություններ, հիվանդանոցներ, հետազոտական ինստիտուտներ և էկոլոգիապես մաքուր էներգիայի աղբյուրներ
12.Առաջին քաղաքը կկառուցվի 11 ուղղանկյուն և հինգ հենակետային հարթակներից, որը կարելի է տեղափոխել ըստ քաղաքացիների ցանկության
13.Հոլանդացի ինժեներների հաշվարկներով, պլատֆորմները պետք է ունենան 50 մ երկարություն և 50 մ բարձրություն, որպեսզի լինեն ապահով մարդկանց և շենքերի համար
14. Ծրագիրը տնտեսապես արդարացված է. Մեկ հարթակի գինը կլինի ոչ ավել քան 15 միլիոն դոլար, ինչը համապատասխանում է Լոնդոնում և Նյու Յորքում հողատարածքի գներին