Թուրքիայի մայրաքաղաք Անկարայում բողոքի հերթական ակցիան է տեղի ունեցել ընդդեմ Ռեջեփ Թայիփ Էրդողանի կառավարության։
Ինչպես տեղեկացնում է թուրքական Zaman-ը, ցույցի վայրում ոստիկանության հետ թեթև լարվածություն և բախում է եղել։
Հանրահավաքին աջակցել են նաև ընդդիմադիր Ժողովրդահանրապետական կուսակցության որոշ պատգամավորներ։
Ըստ տարբեր տվյալների՝ ակցիային մասնակցել է մոտ 20 հազար մարդ։
Ցուցարարները պաստառներ են պարզել, որոնց վրա գրված է եղել «Ցտեսություն, Թայիփ»։ Ակցիայի մասնակիցները Էրդողանի կուսակիցներին և նրա համախոհներին «գողեր» են անվանել։
«Ձեր երեխաները գողանում են, մեր երեխաները՝ մահանում»,-ասել են ցույցի մասնակիցները։
