Բրազիլիայի ազգային հավաքականի և կատալոնական «Բարսելոնայի» նախկին առաջատարներից Ռոնալդինյոն լուրջ խնդիրներ ունի: Նրան կարող են արգելել լքել Բրազիլիայի տարածքը` զրկելով համապատասխան անձնագրից: Այս մասին հայտնում է UOL-ը` նշելով, որ պատճառը ֆուտբոլիստի պարտքերն են:
Պարտքերը կուտակվել են հարկեր չվճարելու արդյունքում: Ռոնալդինյոն ունի 19 օբյեկտ, որոնց համար հարկեր չի վճարել:
Նոյեմբերի 6-ին հայտնի դարձավ, որ բրազիլացուն տուգանել են 2 միլիոն եվրոյի չափով, սակայն նա չի կարողացել վճարել գումարը: Ֆուտբոլիստի բանկային հաշվեհամարում ընդամենը 6 եվրո կա: