Ադրբեջանն ու Ֆրանսիան կհամագործակցեն

Ադրբեջանի պաշտպանության նախարար Զաքիր Հասանովի՝ Ֆրանսիա կատարած պաշտոնական այցի շրջանակներում երկու երկրների պաշտպանական գերատեսչությունների ղեկավարները համագործակցության մասին հուշագիր են ստորագրել։

 

Ինչպես տեղեկացնում է ադրբեջանական Trend գործակալությունը, այցի շրջանակներում Հասանովը մի շարք հանդիպումներ է ունեցել Ֆրանսիայի ռազմական ղեկավարության և այն ընկերությունների ղեկավարների հետ, որոնք պաշտպանական արտադրանք են թողարկում։

 

Հանդիպումների ընթացքում քննարկվել են երկկողմ համագործակցությանն առնչվող հարցեր։