Քիչ առաջ ԿԸՀ համապատասխան փաստաթղթերը ներկայացրեց նաև «Մենք» դաշինքը: Դաշինքի ներկայացուցիչ Անժելա Խաչատրյանը լրագրողների հետ զրույցում հայտնեց, որ ցուցակը բաղկացած է 144 անունից, որոնց թվում կան հասարակական ոլորտի ներկայացուցիչներ, ինչպես նաև Հայոց հայրենիք կուսակցության անդամները, որի նախագահ Անահիտ Եղոյանը ռեյտինգային ընտրակարգով մասնակցելու է ընտրություններին:
Դաշինքի ցուցակի առաջին տասնյակը հետևյալ տեսքն ունի.
- Արամ Սարգսյան,
2. Խաչատուր Քոքոբելյան,
3. Անժելա Խաչատրյան,
4. Արտակ Զեյնալյան,
5. Բորիս Նազարյան,
6. Մասիս Այվազյան,
7. Անահիտ Ադամյան,
8. Սոնա Մինասյան,
9. Արա Կետիկյան,
10. Արմեն Առաքելյան:
Խաչատրյանը նշեց, որ իրենք շատ մրցունակ ցուցակ են ներկայացրել, ինչն ընտրությունների արդյունքում կերևա: Դաշինքի ներկայացուցիչը հայտարարեց, որ պայքարելու են ՀՀ յուրաքանչյուր քաղաքացու քվեի համար, պայքարելու են, որ ԱԺ-ում լինի գաղափարական ընդդիմախոս, որը կօգնի իշխանություններին կատարել հանձնառությունները:
