ՀՀԿ-ական Կարինե Աճեմյանը համոզված է, որ Հանրապետական կուսակցությունը լինելու է խորհրդարանում:
Այսօր` նոյեմբերի 14-ին, Կենտրոնական ընտրական հանձնաժողովում տիկին Աճեմյանը լրագրողների հետ զրույցի ժամանակ նշեց, որ ՀՀԿ ցուցակը հրապարակվելու է այսօր: Ցուցակում Տարոն Մարգարյանը չկա:
Հարցին, թե Տարոն Մարգարյանը Հայաստանում է արդյոք, պատգամավորը դրական պատասխան տվեց` հայտարարելով, որ վերջինս մանսակցել է կուսակցության խորհրդի նիստին:
Ավելի վաղ հայտնել էինք, որ ՀՀԿ-ի ցուցակը գլխավորելու է ՀՀ պաշտպանության նախկին նախարար Վիգեն Սարգսյանը, ով ընտրվել է ՀՀԿ առաջին փոխնախագահ:
