Իսպանիայի պաշտպանության նախարար Մարգարիտա Ռոբլեսն աջակցել է Ֆրանսիայի նախագահ Էմանյուել Մակրոնի գաղափարին՝ համաեվրոպական բանակ ստեղծելու համար: Այս մասին հայտնում է ՌԻԱ Նովոստին։
Հիշեցնենք, որ վերջերս Մակրոնն առաջարկել է ստեղծել «համընդհանուր եվրոպական բանակ», ԱՄՆ-ից անկախ, այդ թվում կիբերանվտանգության համար: Ֆրանսիայի նախագահը նշել է, որ Եվրոպան բախվում է ներքին ժողովրդավարական գործընթացներին և կիբերտարածքի վրա հարձակման բազմաթիվ փորձերի, ԵՄ-ն նույնպես պետք է պաշտպանվի Չինաստանից, Ռուսաստանից և նույնիսկ ԱՄՆ-ից, հայտարարել է Մակրոնը:
«Իսպանիայի կառավարությունը դրական է գնահատում այն ամենը, ինչ նպաստում է Եվրամիության ամրապնդմանը»,-ասել է Ռոբլեսը՝ հավելելով, որ վերոնշյալ ծրագիրը պետք է իրականացվի ԵՄ-ի և ՆԱՏՕ-ի կառույցների միջև «առավելագույն համագործակցության և ինտեգրման» շրջանակներում:
Նշվում է նաև, որ Գերմանիայի կանցլեր Անգելա Մերկելը նույնպես աջակցել է համընդհանուր բանակը ստեղծելու Մակրոնի առաջարկին: Միևնույն ժամանակ, ծրագիրը կտրուկ քննադատության է ենթարկվել ԱՄՆ նախագահ Դոնալդ Թրամփի կողմից: Ամերիկայի առաջնորդը Մակրոնի առաջարկն անվանել է «շատ վիրավորական», նշելով, որ «Եվրոպան պետք է առաջին հերթին վճարի ՆԱՏՕ-ում իր մասնաբաժնի համար, որը ԱՄՆ-ն մեծապես սուբսիդավորում է»:
