Հայ մասնավոր ոսկերիչները շարունակում են տուժել հարգադրոշմողների պայմանավորվածությունից, փետրվարի 4-ին ԱԺ-ում հայտարարել է ԲՀԿ խմբակցության պատգամավոր Տիգրան Ուրիխանյանը: Նրա խոսքով՝ Երեւանի կենտրոնի «Ոսկու շուկայում», որտեղ ամիսներ առաջ էկոնոմիկայի նախարարությունը ստուգումնրեր անցկացրեց, շարունակվում են մրցակցության սկզբունքների խախտումները:
«Ոսկերիչները տուգանվել էին զարդերն առանց հարգադրոշմի վաճառելու համար: Սակայն խնդիրը հետեւյալն է. հարգադրոշմողներն օգտվում են, որ շուկայում իրենք քիչ են եւ պայմաններ են թելադրում ոսկերիչներին՝ հաճախ հրաժարվելով հարգադրոշմ դնել շուկայական պայմաններով: Արդյունքում մարդիկ զրկվում են իրենց ապրանքը վաճառելու հնարավորությունից կամ էլ ենթարկվում են խոշոր տուգանքների», - ասել է Ուրիխանյանը:
Պատասխան խոսքում ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանը հայտարարել է, որ տվյալ հարցը ՀՀ էկոնոմիկայի նախարարության շուկայի վերահսկողության փորձաքննության իրավասության ներքո է, սակայն Պետհանձնաժողովը հետեւում է անբարեխիղճ մրցակցությանը: