Միջազգային Քաղաքականություն 

Թրամփը չի ուզում լսել սաուդցի լրագրողի սպանության ժամանակ արված ձայնագրությունը

ԱՄՆ նախագահ Դոնալդ Թրամփը հայտարարել է, որ չի ցանկանում լսել սաուդցի լրագրող Ջամալ Խաշոգջիի սպանության ժամանակ արված ձայնագրությունը: Այս մասին հայտնում է ՌԻԱ Նովոստին։

«Մենք ունենք ձայնագրությունը, բայց ես չեմ ցանկանում լսել այն։ Չկա պատճառ, թե ինչու ես պետք է լսեմ այն, քանի որ դա տառապանքի մասին ձայնագրություն է, դա սարսափելի ձայնագրություն է։ Ինձ ամբողջությամբ տեղեկացրել են այդ մասին, չկա որևէ պատճառ, որի համար ես պետք է դա լսեմ։ Առանց լսելու էլ, ես գիտեմ, թե ինչ կա ձայնագրության մեջ»,-ասել է նա «Fox News»-ին տված հարցազրույցում։ Թրամփի խոսքերով, կատարվածը շատ դաժան է և սարսափելի։

Թրամփը  խուսափել է նաև պատասխանել այն հարցին, թե արդյոք թագաժառանգ Մոհամմեդ բեն Զալմանին ներգրավված է կատարվածի մեջ՝ մեկ անգամ ևս կրկնելով, որ անձնական շփման ժամանակ վերջինս հավաստիացրել է, որ կապ չունի այդ ամենի հետ: Միևնույն ժամանակ, Թրամփը խոստովանել է, որ ինքը չգիտի, կարո՞ղ էր արդյոք արքայազնը չասել ճշմարտությունը։

  • 54
  •  
  •  
  •  
  •  
  • 1
  • 2
  •  
  •  
  •  
    57
    Shares

Related Articles