Ռուսաստանի և Ճապոնիայի միջև խաղաղության պայմանագրի հարցը կարող է լուծվել, չնայած բոլոր դժվարություններին, որոնք հաստատում են Չինաստանի հետ տարածքային հարցերի շուրջ բանակցությունների փորձը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Այս խնդիրը կարող է լուծվել, այդպիսի բարդ հարցերը լուծվող են, և դա ցույց տվեց, օրինակ, Չինաստանի հետ տարածքային հարցերի շուրջ բանակցությունների փորձը: Պուտինը բազմիցս բերել է այս օրինակը, այն փորձի մասին, որոնք շարունակվել են մի քանի տասնամյակների ընթացքում»,-ասել է Պեսկովը:
Նրա խոսքերով, Ճապոնիայի հետ համաձայնագիրը կարևոր է Ռուսաստանի համար, քանի որ այն լայն հնարավորություններ կստեղծի երկու երկրների միջև համագործակցության համար:
«Ճապոնիան կարևոր գործընկեր է, չնայած մեր երկրի հետ հարաբերությունների խորացման նկատմամբ հետևողական մոտեցմանը, սակայն Ճապոնիայում խաղաղության պայմանագրի բացակայությունը մի տեսակ զսպվածություն է առաջացնում, և մենք չենք կարող լիովին օգտագործել մեր երկկողմ հարաբերությունների լիարժեք ներուժը»,-ասել է Պեսկովը:
Նա նշել է, որ Ճապոնիան աջակցում է Ռուսաստանի նկատմամբ պատժամիջոցների կիրառմանը․ «Սա ևս մեկ հարց է, որ չի կարող բանակցությունների ընթացքում չլուծված մնալ»,-ավելացրել է նա:
