Դեկտեմբերին կայանալիք արտահերթ ընտրություններում «Իմ Քայլը» դաշինքի կարգախոսը լինելու է «Երջանիկ անհատ, հոգատար հանրություն, հզոր պետություն»։ Այս մասին հայտնել է դաշինքի նախընտրական շտաբի պետ Սուրեն Պապիկյանը։
Ավելի վաղ տեղեկություններ էին հայտնվել, որ Նիկոլ Փաշինյանի գլխավորած ուժի կարգախոսը լինելու է «Նիկոլ՝ վարչապետ», ինչը լուրջ քննադատության էր արժանացել փորձագետների կողմից։ Դրանից հետո ՔՊ խոսնակը և մի շարք այլ ՔՊ-ականներ հայտարարեցին, որ դա ընդամենը քննարկվող տարբերակներից մեկն է, իսկ կարգախոսը հայտնի կլինի ավելի ուշ։
