Սաուդյան Արաբիայի ԱԳ նախարարությունը հերքել է հայտարարություններն այն մասին, որ գահաժառանգ արքայազն Մուհամմեդ բեն Սալմանը կապ ունի լրագրող Ջամալ Խաշոգջիի սպանության հետ՝ դրանք անվանելով անհիմն:
Երկրի արտաքին գործերի նախարար Ադել ալ-Ջուբեյրը հայտարարել է, որ որևէ մեկին թույլ չեն տա անցնել թույլատրելի սահմանը և վնասել թագավորական ընտանիքի հեղինակությանը:
Ավելի վաղ «The Washington Post»-ը, հղում անելով ԱՄՆ ԿՀՎ-ին, գրել էր, որ լրագրողի սպանության հրամանը, ամենայն հավանականությամբ, տվել է հենց գահաժառանգ արքայազնը:
