Կոմիի Ուստ-Կոլմիսնկի շրջանի դատախազը հաստատել է քրեական գործով անցնող մեղադրական եզրակացությունը՝ 16-ամյա մի տղայի նկատմամբ, ով գյուղի վարչական շենքին ամրացված Ռուսաստանի դրոշը պակել է և այրել իր ընկերների ներկայությամբ:
«2018 թվականի օգոստոսին, 16-ամյա պատանին պոկել է Դերևյանսկի գյուղական վարչակազմի շենքին ամրացված Ռուսաստանի Դաշնության պետական դրոշը և իր ընկերների ներկայությամբ այրել է այն»,-ասված է հաղորդագրության մեջ:
Քրեական գործը քննվել է գերբի կամ ՌԴ դրոշի անարգման մասին հոդվածով, որը նախատեսում է մինչև մեկ տարի ազատազրկում:
Ինչպես պարզաբանում է տարածքային վերահսկողության մարմինը, դեռահասը, ով խոստովանել է իր մեղավորությունը, բացատրել է վերոնշյալ քայլը որպես խուլիգանության դրսևորում: