«Forbes» ամսագիրը հրապարակել է 2018 թվականի ամենաբարձր վարձատրվող երգչուհիների ցանկը։
Այսպես, առաջին հորիզոնականում է Քեթի Փերին, ով 2018 թվականին իր համերգային շրջագայությունների շնորհիվ վաստակել է 83 միլիոն դոլար:
Երկրորդ հորիզոնականում է Թեյլոր Սվիֆթը, ով վաստակել է 80 միլիոն դոլար: Նշվում է, որ երգչուհին այս տարի նոր ալբոմ է թողարկել և գրեթե մեկ շաբաթվա ընթացքում այն վաճառվել է մոտ երկու միլիոն օրինակով:
Երրորդ տեղում է երգչուհի Բեյոնսեն, ով ամբողջ տարվա ընթացքում վաստակել է 60 միլիոն դոլար:
Չորրորդ տեղը զբաղեցրել է Փինկը, ով վաստակել է 52 միլիոն դոլար:
Հինգերորդ հորիզոնականում է Լեդի Գագան, ում եկամուտը կազմել է 50 միլիոն դոլար:
Վեցերորդ տեղում է Ջենիֆեր Լոպեսը՝ 47 միլիոն դոլար եկամուտով:
Յոթերորդ տեղը զբաղեցրել է Ռիհաննան, ով վաստակել է 37,5 միլիոն դոլար։
Ութերորդ տեղը գրավել է երգչուհի Հելենա Ֆիշերը, ում եկամուտն այս տարի կազմել է 32 միլիոն դոլար:
Սելին Դիոնը (31 միլիոն դոլար) զբաղեցրել է 9-րդ տեղը:
Իսկ տասնյակը եզրափակում է Բրիթնի Սփիրսը՝ տարեկան 30 միլիոն դոլար եկամուտով: