Ռուսաստանը ողջունում է դեկտեմբերի 6-7-ը Միլանում կայանալիք ԵԱՀԿ արտգործանախարարների խորհրդի նիստում Ադրբեջանի և Հայաստանի արտգործնախարարների հնարավոր հանդիպումը: Այս մասին հայտարարել է ՌԴ ԱԳՆ մամուլի քարտուղար Մարիա Զախարովան։
«Մենք կողջունեինք նման հանդիպման հերթական փուլը, եթե կողմերը պայմանավորվեն անցկացնել այն: Բայց դա յուրաքանչյուր ինքնիշխան պետության իրավունքն է՝ ընդունել որոշում նման հանդիպումներ անցկացնելու համար: Եթե նման հանդիպում տեղի ունենա, և այն լինի կառուցողական, կարելի է միայն ողջունել »,-ասել է նա:
