Ուկրաինայի նախագահ Պյոտր Պորոշենկոն դիմել է ռուսական իշխանություններին՝ պահանջելով արագ ազատ արձակել ուկրաինացի զինվորականներին:
«Ես դիմում եմ Ռուսաստանի ղեկավարությանը՝ պահանջելով անմիջապես ազատ արձակել ուկրաինացի զինվորականներին, որոնք միջազգային նորմերի կոպիտ խախտմամբ ձերբակալվել են և որոնց ճակատագրի մասին տեղեկություններ չկան»,-հայտարարել է Պորոշենկոն:
Ուկրաինայի նախագահը պահանջել է վերադարձնել նաև նավերը, որոնք ռուսական կողմը վերցրել է Ազովի ծովում:
Ավելի վաղ ՏԱՍՍ-ը հայտնել էր, որ նոյեմբերի 25-ին առավոտյան ուկրաինական երեք նավ հատել են ռուս-ուկրաինական սահմանը և շարժվել դեպի Կերչ: Կիևի գործողությունները գնահատվել են որպես սադրանք, ինչից հետո դրանք ձերբակալվել են Մոսկվայի կողմից:
Կիևում Ռուսաստանի դեսպանատանը բողոքի ակցիաներ են ընթանում:
